Author Details

  • डम्बर घिमिरे Total Record 18

    लोकतन्त्र सुन्दाखेरी सुल्टी हुन थाल्छ
    निरङ्कुश कुरा सुन्दा उल्टी हुन थाल्छ ।

    कम्पनिका मालिकले फोहोर चटाएर
    मोटाएका भालु भुक्ता उल्टी हुन थाल्छ ।

    ह्वाँ विदेशको नागरिक नेपालको साँडे
    डुक्रिएको बोली सुन्दा उल्टी हुन थाल्छ ।

    भ्रष्ट तथा परनारी देख्तामा हुरुक्क
    स्वच्छ भई कुर्सी चड्दा उल्टी हुन थाल्छ ।

    सञ्चारका साधनहरू बन्द गराउने
    प्रजातन्त्रवादी देख्ता उल्टी हुन थाल्छ ।

    देशको आधा अर्थतन्त्र भालुको भुँडीमा
    दानवीर अफिस उही खोल्छ उल्टी हुन थाल्छ ।

    धरमपुर, झापा