Author Details

  • चूडा निर्भीक Total Record 44

    एक
    लागेको थ्यो चुनावको घोषणा पत्र मूर्त थियो
    नेता पछि लाग्ने विशाल जुलुश स्फूर्त थियो ।
    जनतालाई बनाएर एक नम्वरको उल्लु पात्र
    गयो कुर्ची ताक्दै भन्थे ऊ नै मान्छे धूर्त थियो ।

    दुई
    लाज नभाको दुष्ट अझै दाईजो माग्छ
    केटी हैन सुकन्या सम्पति पो ताक्छ ।
    कता गयो मानवता कता गयो ईज्जत
    मगन्ते त्यो शर्म नभै हात पसारी थाप्छ ।

    तिन
    दुष्ट मान्छे ठान्छ पत्नीभन्दा सुन असल भनि
    लाउँदा रैछन् बुहारीलाई आगो सासू नन्द पनि ।
    कहिले होला मुक्ति पाउने यो देशका नारीहरू
    गाड्दैछन् कसैले त आफ्नै सन्तान् खाल्डो खनि ।

    चार
    तिमी आयौ भनि कति खुशी भएँ तर
    रात्रीमा कहिल्यै उज्यालो देखिएन घर
    खाली आँखा झिम्क्याएर भागी गयौ
    हे विजुली ! तिमी साथ नभै गयौ पर ।

    हाल : काठमाडौं