Author Details

  • ज्ञानुवाकर पौडेल Total Record 16

    मन्दिर कस्तो सुनसान भएछ
    गायब कहिले भगवान् भएछ

    बदनाम भए साधु सन्त
    चोर फटाहा महान भएछ

    राम्रो लेख्ने उपेक्षित सधैं
    नलेख्नेहरूको यशगान भएछ

    खेदो गर्यौ सधैं अरुको
    कुरुप तिम्रै पहिचान भएछ

    खडेरी परेछ हेर सद्भावको
    शत्रु मित्रु एक समान भएछ

    नहुँदा खल्ती गह्रुँगो आफ्नो
    कति गाह्रो सुरापान भएछ

    कालोलाई सेतो भन्न जानेरै
    जमाना कति सावधान भएछ

    चलेकै थियो यहाँ गुजारा
    विदेश पुगेर दरवान भएछ ।

    गोशाला, काठमाडौं