Author Details

  • राकेश कार्की Total Record 60

    कहिले झरेको पाइन्ट
    कहिले उल्टो क्याप भयौ
    के पियौ के तान्यौ
    साथी तिमी त झ्याप भयौ ।

    मुसोको जस्तो स्वर तिम्रो
    त्यै पनि र्यापर्सको र्याप भयौ
    किक्लिक्क अस्थिपञ्जर मात्र
    किन सुकेर स्याप भयौ ?

    न बल्यौ न निभ्यौ साथी
    बल्दै निभ्दै ध्याप ध्याप भयौ
    कहिले एप्पलको कहिले सामसुङको
    टाटो दलेको य्याप भयौ ।

    पुलिसको फोहरी गाली खाँदै
    तिमी पाखुरीमा च्याप भयौ
    रड भयो नि साथी
    हाम्रो ग्याङमा ग्याप भयौ ।

    उपाध्यक्ष, अनेसास लस एन्जेलस च्याप्टर
    लस एन्जेलस