Author Details

  • सागर लुइँटेल Total Record 2

    म :
    नमस्ते नेता जी ! के छ त हालखबर ?
    आउँदैनौ गाउँतिर बिर्स्र्यौे कि थोत्रो घर ?

    नेताजी :
    के हुनु र बाबु ! यस्तै हो राजनीति ।
    ब्यस्त छु म पूरा गर्नै मनका रहर ।

    म :
    पाएछौ कुर्सी र सरकारी चिल्लो कार ।
    र पो त बिर्सेछौ हिजोको जात र थर ।

    नेताजी :
    कसरी बिर्सनु फेरि नि जित्नु छ र ।
    आउँछु नि पाँचसालमा सम्झेर ती भोटर ।

    म :
    जय होस् नेताजी तिम्रो चैँ जय होस् ।
    नसुकोस् जनताको आँसुको त्यो नहर ।

    नेताजी :
    जय होस् नै भनि जिताए जनताले ।
    पुग्याछु सत्तामा मलाई के छ र डर ?

    म :
    ठिकै छ नेताजी ! गर्दै जाऊ भ्रष्टाचार ।
    पुग्नेछ एकदिन त कानुनको त्याँ नजर !

    काठमाडौं