Author Details

  • सोझो गाउँले Total Record 16

    एक दिन एउटा झापाली एउटा स्याङ्जालीको बिहेमा गएछ !
    जब झापाली बिहे घरमा पुग्यो त्यहाँ घरभित्र छिर्नलाई २ ओटा ढोका थिए ।
    पहिलो ढोकामा ‘आफन्तजनहरू’ र दोस्रोमा ‘साथीभाइहरू’ लेखिएको थियो !
    झापाली चाहिँ ‘साथीभाइहरू’ लेखेको ढोकाभित्र छिरेछ ।

    अलि अगाडि पुगेपछि फेरि २ ओटा ढोका थिए ।
    एउटा ढोकामा ‘पुरुष’ र अर्को ढोकामा ‘महिला’ लेखिएको थियो !
    झापाली ‘पुरुष’ लेखिएको ढोकाबाट भित्र छिरेछ !

    त्यहाँबाट अगाडि बढेपछि फेरि २ ओटा ढोका फेला परे !
    पहिलो ढोकामा ‘गिफ्ट दिनेहरू’ र दोस्रो ढोकामा ‘गिफ्ट नभएको’ लेखिएको थियो ।
    झापालीसँग गिफ्ट थिएन । ऊ ‘गिफ्ट नभएको’ ढोकाभित्र छिरेछ !

    ऊ त घर पछाडिको गल्लीमा पो निस्किएछ । अनि पछाडि फर्किएर हेर्यो । घरको भित्तामा यस्तो लेखिएको थियो–
    ‘लाज सरम छैन ?... स्याङ्जालीको बिहे...! त्यो पनि फ्रिमा पुलाउ खान आइपुगिस ?
    जा जा... बाटो तता !!’