वर्तमान
गाडीतन्त्रे सरकारले राहत फलाके पनि
गण्तन्त्रे जनता यी आहतका आहत छन्
दिनहुँ थपि दै जाने समस्याका भोगाइले
सोझा सिधा जनता यी सधै नै मर्माहत छन् ।
वर्तमानको मिठास आफै मात्र हसुर्नेले
जनतालाई भविष्यको सपनी देखाएका छन्
कूटनैतिक शैलीमा गुण गाई विदेशका
अनुदान भरि आफ्नैै पोल्टामा थुपारेका छन् ।
रेसकोर्सका घोडा जस्तै अफिसका कोठाभित्र
विकासका घोडा कागतमा नै कुदाएका छन्
देश सङ्कटमा भन्दै भुलाएर जनता यी
आफूले र आफ्नाले नै ढुकुटी कुम्ल्याएका छन्
विदेशका सभा सम्मेलन सङगठन बीच
नेपाललाई गरिबीको रेखामुनि पारेका छन्
देश द्शान्तरबाट आउने पर्यटकलाई
वर्षै दिन यो नेपालको गाई जात्रा देखाएका छन्
आफूहरू जस्तो सुकै कुकर्म यी गरून् तर
लाटो साथीलाई अनुशासन पो सिकाएका छन्
जनताको स्तर झन् झन् तल खसिरेछm
आफूले त तलैतला महलउठाएका छन् ।
काठमाडौँ