१. बजारभाउ

दिन दुगुना रात चौगुनाका दरले बढ्ने
बढेपछि फेरि घट्दै नघट्ने
सदा उन्मुख, सदा माथिमाथि नै
चढ्ने दाउ
काठमाडौँ महानगरीको बजारभाउ ।

 

२. सत्ताभोगी

सुन्दासुन्दै पाइहालूूँ खाइहालूँ जस्तो लाग्ने
जति लालायित भयो, उति परपर भाग्ने
पेट हेर्यो सदा उही सारङ्गीका सारङ्गी
कति मात्र फोस्रा भाषण निफनी रहेका
सत्ताभोगी यी नन्दी र भृङ्गी ।

 

३. माथि पर्ने तरिका

ऊ ठान्छ उसले एउटा चमत्कारी
सिक्का पाएको छ
त्यसलाई उसले जतनका साथ
खोकिलामा लुकाएको छ
बेलामौका आफ्ना हकमा
शुभाशुभ केही जान्न परे
ऊ त्यसैलाई झिकेर उफार्ने गर्छ
जुन पाटो माथि पर्छ
ऊ त्यही पाटोको विषय हाट–बजार पुर्याएर
प्रचार गर्ने गर्छ ।

‘फित्कौली’ अङ्क ३, २०६२ बाट