कृष्ण चरित्र आफू दरिद्र
किन हो कुन्नि ऊ बेलाको कुरो गर्ने चाह भयो
कृष्ण काले बदमासै हो बल्ल आज थाहा भयो ।
जान्न पनि कति विघ्न जालझेल जान्या होला
हामीलाइ त स्वप्नभन्दा पर कहाँ कहाँ भयो ।
हामी एउटै नभेट्नेलाई सोह्र सय सुन्दै पनि
बाहिर जे जे भने पनि भित्र कतै डाह भयो ।
विचरा ती हर्के दाइलाई दुईटी जोड्दा कानुन लाउने
सोह्र सयको मालिक भने अझै वाह वाह भयो ।
यस्तै कथा सुन्दासुन्दै बैंश जान लागी सक्यो
आफ्नो भने एउटै जोर्ने स्वप्न पनि स्वाहा भयो ।
नयाँ नैकाप, काठमाडौं