सोमराज ‘अभय’कस्तो जमाना भयो ?
नेता हूँ म समाजको तर म नै जाली कुरा बुन्दछु !
चुक्ली गर्नु हुँदैन भन्छु मुखले, आफू त्यही गर्दछु !
लड्नै पर्दछ भन्छु, भाग्दछु स्वयं यो ज्यान जोगाउन,
मेरो मावन–चातुरी ! नगदका नौ दाउ नै हो, सुन !
घाँस्पार्टी भनि नाम राख्छु दलकोे, घाँस् खान दिन्छु अनि
गाँस्–बास् किन्तु कपास पाउन पस्यो मुस्किल् सबैले भनी
बाँच्ते मध्यम मार्ग बुद्धसरि भै दोस्रो निकल्दै म छु,
सत्ताभित्र घुसेर मिल्नु कसरी ? यै चातुरी गर्दछु !
दोस्रो छैन उपाय, तर्क अरुको गर्छु कडा खण्डानल,
आफ्नो तर्क फिंजाउँछु मुलुकमा त्यागी र चोखो हुन !
धन्सम्पत्ति गयो, बूढो पनि भयो, सत्ता पनी पो गयोे ?
घाँस्पार्टीहरुमा दरार परिगो !, कस्तो जमाना भयो ?
विराटनगर
