राजनीति
– दुलही भित्र्याएको हप्तादिनमै मेरा छिमेकी युवकको मृत्यु हुन्छ ।
— दुलहीले नै दुर्घटना गराएर मारेको हल्ला गुपचुप रूपमा सुनिन्छ ।
— त्यसपछि दुलहीको रूप यौवनको चर्चा परिचर्चा चारैतिर फैलिन्छ ।
— अचानक एकाबिहानै म झ्यालबाट त्यतातिर चिहाउन पुग्छु ।
— उनी देवरको कोठाबाट लुसुक्क आफ्नो कोठामा घुसेको देख्छु ।
— अर्को बिहान उनी जेठाजुको कोठाबाट सुटुक्क आफ्नो कोठामा छिरेको
देख्छु ।
— अर्को बिहान उनी ससुराको कोठाबाट फुत्त आफ्नो कोठामा पसेको देख्छु ।
— एकदिन काम विशेषणले म एउटा होटल मालिकलाई भेट्न जान्छु ।
— होटेलको कोठाबाट उनी एक युवकसँग निस्कँदै देखेर सोध्छु, ‘तपाईं ?’
— उनी भन्छिन्, ‘चिन्नुभएन ? म उही यो देशको राजनीति त हुँ नि !’

‘शाल्मलि’को अङ्क ८ बाट