लिलाराज कार्कीभाँडभैलो
भाँडभैलै गरे देशलाई सिङ्गै डुबाए
हेर्दाहेर्दै ब्याउने बाख्रो त्यसै तुहाए
बर्षौं बित्यो संविधान लेख्नै सकेनन्
विदेशीको धुसपेठ छेक्नै सकेनन् ।
नेताहरू चटारिए टुपी समाई तान
अति नै भयो अब फित्कौलीले हान
भोलि मात्र भन्छन् आज कैले आएन
गिनीहरूकै कारण अमनचैन छाउँदै छाएन ।
गर्छु मात्र भन्छन् खालि कुरा भए जाली
यिन्ले चुनाव गराउलान् त पक्कै यसपाली ?
बिग्रने र सप्रनेलाई खोजी खोजी चुन
बिग्रनेलाई अल्पाइनको बख्रा खोरमा थुन ।
गर्नुसम्म गरे यिनले देशै पारे मैलो
तँछाड मछाड तानातान भयो भाँडभैलो
कानै पाकी सक्यो यिनका कुरा सुन्दा सुन्दा
कसो होला यी सबैलाई बाख्रा खोरमा थुन्दा ।
नेताहरूको कुकर्मले देशै कठ्याङ्ग्रो
बनाउ साथी फित्कौली यसलाई मट्याङ्गो
रुख विरुवा सखाप पारे सक्न थाले खोला
जे खायो त्यही पच्ने कस्तो पेट होला ।
कोही माग्छन् पानी पानी कोही माग्छन् आगो
अति नै भो अब भने देशले शान्ति माग्यो
संविधानकेवल अब मात्र रहयो धान
नेताहरू छाडा भए हान थप्पड हान
हाल : जर्मनी
