१. यो देशमा फापेको छ वेपार नै ओहो !
अपार छ ! विराट छ ! चटके छ ओहो !

२. आमा बाबु घुक्र्याउने वानी कस्तो ओहो !
बाँदरको घुर्की भन्छन् फस्टाए छ ओहो !

३. कस्सिएर बोल्ने बोल्छन् कस्तो बोल्या ओहो !
बोल्नेकै नै पिठो बिक्छ ! कस्तो बुझ्या ओहो !

४. साहित्यका कार पनि कारै भए ओहो !
रातो लेख्ने सेता भए ! अचम्म नै ओहो !

५. अख्तियार लागेको छ ! कुदेको छ ओहो !
कता कता कुद्छ ! कुद्छ ! नथाकेरै ओहो !

६. अखवार कराउने ! टी वी. पनि ओहो !
उद्योगी र मजदुर कराउने ओहो !

७. अचेल त विरोध लौ वेपार पो ओहो !
राम्रो काम न छ स स नै न के भयो ओहो !

८. बाठाले त सुइत्त नै चिप्ल्याए छन् ओहो !
हाम्रा ”प्राज्ञ” चिप्लिए छन् ! कठैवरा ! ओहो !

झर्रो नेपाली घर, चन्द्रगढी झापा