चम्कँदै छन् यहाँ नक्कली लेखक
लेखिदिन्छन् कुनै ‘भूत’ ले बे–धक
चल्न खोज्छन् तिनै झन् बजारैभरि
अब्बलै पर्न खोज्छन् हजारैभरि ।

नम्बरी बेइमानी र चोरै पनि
छन् यहाँ मानिदै ‘सिर्जनाका धनी’
भन्नु—दुष्कृत्य ‘उत्कृष्ट साहित्य हो’
त्यो त साहित्यमा नै महाव्यङ्ग्य हो ।

लाज सर्वस्व हो, लाज जस्को पच्यो,
सम्झ सारा पच्यो, शेष के पो बच्यो ?
गर्नु यिन्का कुरा हो नि आफ्नै खति
हुन्छ निर्लज्जको के, कहाँ ओखती ?

हाल : काठमाडौं