गायत्री परिरोशनीकाग भजन
ओए काग !
न तैंले कसैको
कानै लैजान सकिस् !
न तेरो पछाडि
कुद्नेहरूकै कमी भो
बरु आइज यार् काग
लैजा यी ओर्जिनल कान
पछाडि दौडा यो भीडलाई
जल–थल–आकाश–पृथ्वी
कमसेकम् एउटा तथ्यमा
कारणको मेल त हुन्छ
कमसेकम् एउटा दृश्यमा
सत्यको खाता त खुल्छ !
दिनदिनै आइज काग
हुल बाँधेर बथानै आइज
यो भीडमा जति छौं
दोब्बर सङ्ख्यामा आइज
कमसेकम् भीडलाई एउटा
नौलो काग तिहार त हुन्छ !
गोरखा
