सक्षम र सवल प्रदेश,सुनिश्चित अधिकार

बा ! पैसा बचाउनुहुन्छ

Nepal Telecom ad

निकै मेहनती हुनुहुन्छ
सहनशील रहनुहुन्छ
मेरा बा ! पैसा बचाउनुहुन्छ ।

हलगोरु छन् घरमा
आफैं हली बन्नुहुन्छ
खेत जोत्नुहुन्छ
मेरा बा ! पैसा बचाउनुहुन्छ ।

अरुको जस्तै–
बाको पनि छ
शाही पनीर मीठो लाग्ने मुख
तर, पिँडालु उसिन्नुहुन्छ
आलु पकाउनुहुन्छ
मेरा बा ! पैसा बचाउनुहुन्छ ।

फाटेको मैलो कछाड बेर्नुहुन्छ
थाहा छ बालाई
नदेखिने चीज देखिनु हुँदैन
ढाका टोपी लगाउनुहुन्छ उस्तै
अस्कोटका दाँत छैनन्
चश्माको खुट्टा छैन
तैपनि, सन्तोष मान्नुहुन्छ
मेरा बा ! पैसा बचाउनुहुन्छ ।

महङ्गी छ बजारमा
आफ्नै बारीमा
सागसब्जी– तरकारी फलाउनुहुन्छ
मेरा बा ! पैसा बचाउनुहुन्छ ।

प्रायले कञ्जुसको नाउँले चिन्छन् बालाई
कसिकसाउ मोल गर्नुहुन्छ
प्रत्येक सामानमा
बोली लगाएरै छोड्नुहुन्छ
र पनि, मेरा बा ! पैसा बचाउनुहुन्छ ।

बाको विश्वास छ मप्रति
केहि सपना छन् म माथि
र त, जतिबेला पनि
मेरा माग पूरा गरिदिनुहुन्छ
मेरा बा !
मेरै लागि भए पनि
पैसा बचाउनुहुन्छ !

Fitkauli Publication Books comming soon
Nepal Telecom ad
को हो त त्यो मालिक ?

को हो त त्यो...

घनश्याम रेग्मी
होली आयो – होली गयो फुस्सा !

होली आयो – होली...

लक्ष्मण नेवटिया
घर

घर

तारा पराजुली
नाटकै नाटक

नाटकै नाटक

डा. खगेन्द्रप्रसाद दाहाल