चूडामणि रेग्मीजे गरे नि हुन्छ !
१. जे बोले नि हुन्छ यहाँ जे ठोके नि हुन्छ !
निरङ्कुश अङ्कुश होस् ! जे गरे नि हुन्छ !
२. बाबैले पो कमाएको ! भ्रष्ट उनै थिए !
उनी मरे ! चोख्खो धन ! जे गरे नि हुन्छ !
३. भाषा शुद्धि ! परम्परा जे लेखे नि हुन्छ !
परम्परा भन्नु पर्छ ! जे गरे नि हुन्छ !
४. कस्ता कस्ता यहाँ पद त्यसै चलेका छन् !
हाम्रो मुढे बल दरो ! जे गरे नि हुन्छ !
५. कस्ता कस्ता नेता पनि भातमा नै बिक्ने !
दुई चार “हामी” मिले जे गरे नि हुन्छ !
६. डिजेल र पेट्रोलको दाम घटी के भो ?
भाडा भने बढाउने ! जे गरे नि हुन्छ !
७. जस्तो नयाँ तन्त्र आओस् ! सत्य बोल्नु हुन्न !
कलि युग ! झुट्टो बोल ! जे गरे नि हुन्छ !
८. वेवकुफ पार्ने मन्त्र के हो ? ज्ञान यही
सिक ! जान ! जप गर ! जे गरे नि हुन्छ !
झर्रो नेपाली घर, चन्द्रगढी झापा
