मूर्तिपूजा
कामधाम केही छैन हतारै छ सबलाई
गर्न केही आउने हैन मुखलाउने अरूलाई
कनिकुथी काम गर्यो मिल्ने केहि हैन
झारा तिराई काम मात्र बन्ने पनि हैन ।
शुरू गर्यो एकातिर बन्न पुग्छ अर्कै
कल्याङ मल्याङ सुन्दा पनि लाग्छ मलाई झर्कै
वीरपुर्खाका सन्तती हामी शान छ हाम्रो बेग्लै
दु ःख गर्छौं रगत पसिना बगाउँछौ थुप्रै ।
कर्म हामी गरिरन्छौ उन्नति चैं छैन
ब्वाँसो जस्तो समाज छ टिक्नै दिने हैन
गुलियोमा चटाएर सत्य झूटो पार्छ
समयले कोल्टो फेर्दा मह बनाई झार्छ ।
बलेको आगो प्यारै हुन्छ ताप्नलाई मजा
सत्यकर्म गरिरहुँ झूट हुन्छ धूजा धूजा !
किन हुन्थ्यो कठैबरा ! मात्र मूर्ति–पूजा !!
काठमाडौं