(प्यारोडी)

व्यर्थै हाल्यौँ भोट
तिमीले हामीलाई दिनु दियौ चोट ।

आकाश पाताल जोडेर भाषण, जोडेर भाषण
गर्न थाल्यौ निरङ्कुश शासन
व्यर्थै हाल्यौँ भोट ...

म्याद लम्ब्याउन सबैको मत मिल्ने, सबैको मत मिल्ने
पार्टी बिचमा कहिल्यै मत नमिल्ने
व्यर्थै हाल्यौँ भोट ...

थप्दै मौका प्रसस्तै दिएको, प्रसस्तै दिएको
गम्भीर रुपमा छैन नि लिएको
व्यर्थै हाल्यौँ भोट ...

कति साह्रो हामीलाई हेपेको, हामीलाई हेपेको
बिर्सेउ तिमीले ज्ञानेन्द्र खेदेको
व्यर्थै हाल्यौँ भोट....

सहनुको पनि हद हुन्छ, पनि हद हुन्छ
अब तिम्लाई लखेट्दा के हुन्छ ?
व्यर्थै हाल्यौँ भोट ...
संखुवासभा