रमेश खकुरेलअब सभासद चुट्नु पर्योे…
तलब खानु त काम नछोड्नु नि
जति भन्यो उति काम त गर्नु नि
फगत हाजिर मात्र बज्यो उता
अब सभासद चुट्नु पर्यो कि ता ।
घरि उतातिर फुर्र विमानमा
घरि यतातिर हात चिहानमा
अघि भन्यो अहिल्यै सब बिर्संदा
अब सभासद चुट्नु पर्योे कि ता ।
कति गरेर मरेर बनाइयो
कति गुराँस र आँप सजाइयो
घन लिएर भने घर यो फुटा
अब सभासद चुट्नु पर्यो कि ता ।
नगद आउँछ ता सब एक छन्
मुलुक बन्दछ ता सब मूक छन्
नव विधान बनाउनु हो कता
अब सभासद चुट्नु पर्यो कि ता ।
घर फिरेर त आउनु पर्छ नि
कति विवाह मलाम त पर्छ नि
अनि भनौं पर जा तँ नआ यता
अब सभासद चुट्नु पर्यो कि ता ।
जल लिईकन डाडु उठाउनू
पस यहाँ मर लाज लुकाउनू
बुझ यही हुनु शेष छ योग्यता
अब सभासद चुट्नु पर्यो कि ता ।
कमलपोखरी, काठमाडौं
