तल झार्यौ किन ?
त्यत्ति मीठो सम्बन्धलाई टाढा पार्यौ किन ?
लड्दालड्दै जिन्दगीमा तिमी हार्यौ किन ?
आँधीबेहरी चल्यो ठुलो आत्तिएर भाग्यौ
बगी जाने खोलाजस्तो माया मार्यौ किन ?
डङ्गुर थिए कथा व्यथा बिसाउनु पर्ने
बाँडीचुँडी लिन्छु भन्थ्यौ त्यस्सै टार्यौ किन ?
खडेरीमा पिल्सिएर कहिलेसम्म बाँच्ने ?
बगैँचामा फूल हैन काँडा सार्यौ किन ?
भताभुङ्ग भयो मेरो सपनाको महल
उठाएर माथि आज तल झार्यौ किन ?
हेटौडा, मकवानपुर