चूडामणि रेग्मीसधैं सबै उही !!
१. बानी उही ! वाणी उही ! अनुहार उही !
चरित्र झन् दुरुस्त नै नयाँ खोई ? उही !
२. कहाँ फिर्छ विगत त ! गत भयो ! गयो !
सावधान ! झुक्याउने पारा बढ्यो उही !
३. च्याँखे थाप्छ त्यही मान्छे ! नयाँ मान्छे चुप्प !
चेतना त भाग्ने दाउ ! समाज नै उही !
४. घुस खाने ! अख्तियार छल्न एक हुने !
इमानको कुरा सुन्दा भाग्ने पारा उही !
५. नपढ्ने र बुझक्कड हुने पारा उही !
हवलदारी तन्त्र उही ! सवै सवै उही !
६. महिला त जागे भन्थे ! फेसनमा लागे !
जागृतिमा खिया लाग्ने जीर्ण पारा उही !
७. युवा वर्ग ! भविष्यका कर्णधार भन्थे ! !
उहिलेका जस्तै पछि हुने पारा उही !
८. देश सडे हामी सड्छौं ! चिनाउने छैन !
लुट ! खाऊ ! मोज गर ! उपदेश उही !
झर्रो नेपाली घर, चन्द्रगढी झापा
