चूडामणि रेग्मीबित्यो ! बित्यो ! बित्यो !
१. बित्यो ! बित्यो ! अब लौ है ! नेपालमा बित्यो !
संविधान के हुने हो ? ! बित्यो ! बित्यो ! बित्यो !
२. हडताली बन्द गर्ने दिनहुँ नै कुध्छन्
तोडफोड हुन थाल्यो ! बित्यो ! बित्यो ! बित्यो !
३. जाति धर्म पार्टी ! भनी जुलुस त कति !
अर्काले नै बिगारे है ! बित्यो ! बित्यो ! बित्यो !
४. तास जुवा तीर्थ वर्त कुधाकुध आफू !
देश भाँड्ने तत्व जागे ! बित्यो ! बित्यो ! बित्यो !
५. एकै छिन सोच्दा लाग्छ कलि अब पस्यो !
आँखा खोल्दा थाहा हुन्छ– बित्यो ! बित्यो ! बित्यो !
६. विदेशका विद्वान् सुन्दा जिभ्रो टोक्ने मन
यता विद्वान् देख्दा लाग्छ बित्यो ! बित्यो ! बित्यो !
७. अरुतिर पनि देख्दा चित्त शान्त हुन्छ !
एकै छिन ! तर यता– बित्यो ! बित्यो ! बित्यो !
८. अस्थिरता देशभित्र कुम्भकर्णे बढे !
के हुने हो ? खलवली बित्यो ! बित्यो ! बित्यो !
झर्रो नेपाली घर, चन्द्रगढी झापा
