जिम्मेवार नेता कि जनता ?
प्रजातन्त्रमा बहुमतले जे गर्छ त्यही हुन्छ
नेताको भन्दा जनताको सङ्ख्या धेरै हुन्छ
प्रजातन्त्र भएको बेला देश बिग्रियो भने
त्यसको जिम्मेवार नेता हुन्छ कि जनता हुन्छ ?
प्रजातन्त्रमा जनता नै मुख्य शासक हुन्छ
सरकार बनाउन र ढाल्न सक्ने त्यत्रो तागत हुन्छ
जनताले नेतालाई सरापेर आफू चोखिन खोजे
त्यो सराप जनतालाई लाग्छ कि नेतालाई लाग्छ ?
प्रजातन्त्रमा देशको जिम्मा त जनताको हुन्छ ।
प्रजातन्त्रमा नेता जनसेवक र जनता जनार्दन हुन्छ
जनार्दनले दिएरै त जनसेवकको आर्जन हुन्छ
जनार्दनकै आशिर्वादले जनसेवकले गरेको आर्जनमा
फेरि जनार्दनकै कुदृष्टि पर्नु हुन्छ ?
प्रजातन्त्रमा देशको जिम्मा त जनताको हुन्छ ।
प्रजातान्त्रिक शासन व्यवस्थामा देश बिग्रियो भने
त्यसको दोषी नेता हुँदैन, जनता हुन्छ
प्रजातन्त्र पनि चाहिने, देश बनाउने जिम्मा जति चैं नेताकै मात्रै हुने !
प्रजातन्त्रको यस्तो अर्थ लगाउने जनता नरोए अरु को रुने ?
प्रजातन्त्रमा देशको जिम्मा त जनताको हुन्छ ।
प्रजातन्त्रमा देशको जिम्मा त जनताको हुन्छ
करोडौँ जनता गैरजिम्मेवार भएपछि
जाबो नेताले मात्रै गरेर के हुन्छ ?
प्रजातन्त्रमा देशको जिम्मा त जनताको हुन्छ
प्रजातन्त्रमा देशको जिम्मा त जनताको हुन्छ
नेता सरापेर के जनता चोखो हुन्छ ?
बत्तिसपुतली