उमेर जति जति बढ्दै गयो
बुढाका आँखामा बुढी झन् झन् राम्री देखिन थालिन्
बुढीका आँखामा बुढा झन् झन् राम्रा देखिन थाले ।

मोतियाबिन्दुले गर्दा अनुहारको सबै भाग प्रष्ट नदेख्ने रहेछन्
झन्डै आधा अनुहार प्रष्ट देख्ने र आधा अनुहार कल्पना गर्दा रहेछन्
पचास प्रतिशत अनुहार कल्पना गरेजस्तो जोड्न पाए
कस्की बुढी नराम्री देखिएलिन् ?
कसका बुढा नराम्रा देखिएलान् ?
अनि पो एकले अर्कोलाई राम्रो र राम्री देख्दा रहेछन् ।

कालो रंग दलेको कपाल चम्किएकै छ
हालेको दाँत झल्किएकै छ
सत्र मुजा चाउरी देखिन्न, सम्म भइहाले
अनि त बुढालाई बुढी राम्री र बुढीलाई बुढा राम्रा भइहाले ।
बत्तिसपुतली, काठमाडौँ