हौ फलामे तगारो !
भैंसी बाख्रा, सरह कसरी ? बेचिए आज नारी
सानी नानी, पर–वयसकी, लुट्न थाले घिसारी ।
हिंसा हत्या, सब दिन हुँदा, मौन सरकार बस्छ
लुच्चा डाँका, डन दल भरी, न्याय रोएर खस्छ ।। १।।
मात्रै रित्ता, दिवस कसरी, मान्न सक्छौ रमाई
नारी हिंसा, बिगबिग बढ्यो, बोक तर्बार माई ।
देवी लक्ष्मी, सत– मत लुटे, छैन कानून ऐन
छोरी आमा, हजुर– जननी, मन्डली छैन चैन ।। २।।
सत्ता चढ्दै, नटखट गरी, मात्र सन्देश छादी
ओठे नेता, नछर यसरी, अक्षता फूलपाती ।
धेरै हाम्रा, दिवस दिनमै, दिन्छ कालो अँध्यारो
खोक्रा नारा, नछर तिमरु, हौ फलामे तगारो ।। ३।।
धादिङ