सङ्गतले गँजडी बनायो
आयो जादुगर अनि छडी बनायो
मौसम बदल्छु भन्दै घडी बनायो ।
बुझेनन् कसैले के के थियो चाला
रमिते रजायो र थपडी बनायो ।
हिँड्दा हिँड्दै बटुवा भोकायो बिचरा
दिमाग थ्यो घुमायो खिचडी बनायो ।
रुँदै आमा भन्थिन् छ साथ कस्तो
छोरालाई सङ्गतले गँजडी बनायो ।
गर्जिएथ्यो खोला साथ दिए खेतले
यिनै आँखा आगाडि बगडी बनायो ।
दिए बलिदान गरेरै हो विश्वास
नतिजा सबैलाई चाकडी बनायो ।
धादिङ, हाल– भारत