चट्याङ मास्टरपार्टी प्रवेश
बुढ्यौलीमा कस्तो कस्तो रोग लाग्ने होला
कहाँबाट उपचार खर्च ल्याउने होला
उपचारै नपाएर त्यस्सै मरिने भो
त्यस्कै लागि पनि एउटा पार्टी समाइने भो ।
उमेरमा बरालियो घरजम जोडिएन
बिगार्न चैं अर्काको पनि छोडिएन
मर्नेबेला कोहि छैन पानि नपाइने भो
त्यस्कै लागि पनि एउटा पार्टी समाइने भो ।
यत्रो ऋण लागेको छ कहाँबाट तिर्ने ?
कुनै बाटो हिँड्नुहुन्न आउँछन सबै छेक्ने
साहुहरूले लखेटेर बाँच्न नपाइने भो
त्यस्कै लागी पनि एउटा पार्टी समाइने भो ।
त्यो बेलामा जानिएन पापै गरियो
पछि सबले थाहा पाए गावै हल्लियो
लाजले पनि गाउँमा अब बस्न नपाइने भो
त्यस्कै लागि पनि एउटा पार्टी समाइने भो ।
काठमाडौं
