चट्याङ मास्टरयसो उसो कडा नरम ?
“उहाँले कडा लेख्नु भयो”
कडा कागज कि कलम रह्यो ?
मसि कडा त हुँदै हुँदैन
लेखाइ कसरी कडा भयो ?
यसो गरेमा “कडा कारवाही गरिने छ“
कारवाही पनि कडा र नरम हुन्छ ?
उसो गरेमा “कानुन बमोजिम कारवाही गरिने छ”
कानुन बिपरित पनि कारवाही हुन्छ ?
“यहाँ यसो नगर्नु होला”
सबैले त्यहाँ त्यसै गर्ने गरेरै त्यसो लेख्न परेको होला
“यहाँ उसो नगर्नु होला”
उसो गर्न मन लागे कहाँ चै गर्नु होला ?
अब यस्तो सूचना लेख्दा
यसो उसो गर्ने वैकल्पिक ठाउँ पनि सुझाउनु होला
नत्र कारबाही नरम कडा हुँदै गर्छ
यता यसो उसो हुँदै गर्ला ।
काठमाडौं
