बाटो बन्दछ
किनभने
बाटो बन्दैछ
सडक विभागको थेगो नै हो कि
सधैं यस्तै भन्दैछ ।

त्यै बाटोमा
कहिले ढल निकास खन्दै छ
कहिले जल बिकास भन्दै छ
आज खुल्यो कि भन्यो
बाटो बन्दै छ ।

झरी लाग्यो भने
धान रोप्ने खेत जस्तो
कहिले पानी परेर
मरुभुमिको रेत जस्तो
हिउद लाग्यो भने
ओ हो धुलो कस्तो
चैत्र मासको हुरिले
लोखर्खेको दुलो जस्तो
बाटो बनाउने भनी ।

डेलिकेसन गयो
मन्त्रीलाई भन्यो
सन्त्रीलाई भन्यो
सडक बिभागलाई भन्यो
सबै खाली भन्दै छ
न आतिनुहोस् न
बजेट आउँदै छ
डोजरले खन्दै छ
बाटो बन्दै छ ।
दाङ– हाल काठमाडौं