टिपनटापनहाम्रो काम ! हाम्रो उखान !!
लोकतन्त्र !
बाँदरको हातमा नरिवल ! !
गणतन्त्र !
कुकुरलाई घ्यु नपचेको ! !
संबिधान सभा !
काम कुरा एकातिर
कुम्लो बोकी ठिमीतिर ! !
संविधान सभाको बैठक कसले डाक्ने !
अघि बुढी जानिनन्
पछि बुढी मानिनन् ! !
सरकार गठनको कुरा !
काशी जाने कुटिको बाटो ! !
सङ्घीयता !
हाती आयो, हाती आयो, फुस्सा ! !
सत्य निरुपण आयोगको गठन !
घ्यु न तेल पका बुढी सेल ! !
समानुपातिक निर्बाचन !
आफ्नो हात जगन्नाथ ! !
–गौरी प्रधान
काठमाण्डौ
