रविन शर्मा चापागाइँगुड्ने तिम्रा पजेरो त…
मूर्ति किन्छु, गजुर किन्छु भन्दै थियो कबाडीले
पुरातात्विक बस्तु जति बेचिदियो अनाडीले ।।
कर्णाली र दार्चुलाको कुरौ छोडौं महोदय
विकास के हो ? अझै पनि देख्या छैन त्यो माडीले ।।
जात जातको राज्य बन्दा तराई होला मदेशिको
कहाँ जाने अब हामी भन्ने गर्छन पहाडी ले ।।
’युवा आउ देश बचाउ’ भन्ने बन्दा परिस्थिति
बर्षभरी लाखौं युवा निल्ने गर्छ त्यो खाडीले ।।
‘गुड्ने तिम्रा पजेरो त राजधानी भित्रै होला’
“जाजरकोटका बिरामीलाई बोक्दैनन् है ती गाडीले” ।।
नवलपरासी
