छर्छ सधैं अशान्ति ?
लैनो भैंसी बनाए, कतिपय जनले, चोर भूकम्पलाई
आफ्नै छाना र खाना, वसन सब नयाँ, बन्न गो कम्प आई ।
धेरैका गास बासै, वसन छिनिदियो, घोर भूकम्प आई
लैनो भैंसी बनाए, अभिजन जतिले, चोर भूकम्पलाई ।।१।।
एन्जीओकर्मी मोटा, कतिपय सुकिला पुष्ट सर्कारी मान्छे
पीडामा तड्पिएका, दुखित जन सबै, तुच्छ रोगी मगन्ते ।
कुण्डी (कमन्डलु) मात्रै बनायौ, जन–दुख अगुवा, पेट आफ्नै भरेर
कस्तो सर्कार हाम्रो, अधम दलपति, भागबन्डा गरेर ।।२।।
कस्को छेउ गुनासा, उजुर अब गरम्, सुन्छ को आई पीडा
हामी फोटो र खोटो, अभिजन जतिको, अग्लिने तुच्छ क्रीडा ।
पर्जा, रैती बनेरै, कति दिन दुहिनू, ठालुकै मोजमस्ती
नेता यी नामधारी, उडुस र उपियाँ, छर्छ सध्धैं अशान्ति ।।३।।
धादिङबेँसी