असारे बिकास
बजेट जेट बन्दैछ, सारपूर्ण असार हो
आधा बजेट बाँकी छ, दलका अभिशाप हो ।
सम्झौता नै ढिलो गर्छन्, अनि लोड असार छ
कागजी बाघको धन्दा, सबैलाई अपार छ ।।
कर्मचारी खटेका छन्, कार्यकर्ता र नायक
ठगदार दलाली नै, बन्छन् बिकास वाहक ।
उपभोक्ता सभा ताती, योजना क्या मजा फुले
बाटो पानी र पर्खाल, मात्रै कागजमा झुले ।
हतारो र चटारो छ, बवकासे नीति योजना
बगली भर डाँका हो, मारिएको छ चेतना ।
अलकत्रा हिल्याएर, बाटोमा रमिता गर
कुम्ल्याई देशको कोश, गोजी आफ्ना सबै भर ।
भागबन्डा गरी खाउ, झोकतन्त्र बचाउँदै
कारिन्दा कार्यकर्ता हो, गणतन्त्र नचाउँदै ।
मिलेमतो गरेमत्रै, नव नेपाल बन्दछ ।
कागजी बाघ देखाई, सत्ता हसुर भन्दछ ।।
धादिङ