जाँडकला
जाँडकला– १
जति जे कमाएको
जाँड खाँदै रित्याएछ,
खाँदाखाँदै समातिँदा
खुवाउँदै सिध्याएछ ।
जाँडकला– २
प्रहरीले भन्यो
चिकित्सक भएर मापसे गरेको
तपाईंलाई लाज किन नलागेको ?
नव चिकित्सकले भन्यो,
सबै मेरा साथी खाने
म परेँ नखाने,
हजुर त्यसैले
लाज लागेर खाएको ।
जाँडकला– ३
मुहल्लाको छोटे नेता
भरखर बिहे भएको
मैले भनेँ– यो जाँड खाएर
कहाँ हिँडेको ?
नशा विरोधी भाषण सुन्न
कसको ?
श्रीमतीको ।
विराटनगर