साँढे अझै होंक्का !
१. बित्यो बित्यो ! के पो बित्यो ! कता कता बित्यो !
बिताउने सोच रहोस् ! यसो पुगे भयो !
२. तल तल हेर ! भन्थे हाम्रा बुढा बाबै !
केको तल ? कहाँ तल ? माथि भए भयो !
३. महँगीको कुरा भन्छन् ! हुने पो त छ त !
आफ्नो आय अघि लुते ! अब पुगे भयो !
४. बाठो हुने जुग आयो ! एक थरी कुर्ले !
आफू लाटो लाटो हुने ! मोटो भए भयो !
५. केन्द्र भन्थे ! कुन केन्द्र ? केको केन्द्र ? कुन कुना केन्द्र ?
उतै बाठा ! यता लाटा ! आफू चढे भयो !
६. भूकम्प त नेपालमा आयो गयो भयो !
यो देशमा सत्ता चढे जे जे पनि भयो !
७. अब गए पुरानाका दिन ! तिमी भन्थ्यौ !
बोल्न पाए मख्ख ! हेर– यता के के भयो !
८. अझै पनि बाघ बाघै ! साँढे अझै होंक्का !
लाटाहरू’ लोकतन्त्र !’ जप्न पाए भयो !
झर्रो नेपाली घर, चन्द्रगढी झापा