विज्ञापन

भाइ !
तिम्रो विहेमा आउन नभ्याए पनि
शुभकामनासहित उपहार मैले दिएको छु,
तिम्रो चाँडै ‘जुडवा’ सन्तान जन्मियोस् !
फेरि पनि तिमीलाई एकपटक
मैले यही आशीर्वाद दिएको छु !

अनि भाइ–
अचेल मैले पनि एउटा बोर्डिङ्ग स्कूल खोलेको छु
एउटा भए आधा निःशुल्क,
दुइटा भए एउटा ‘फ्री’
भर्ना मेरै बोर्डिङ्गमा गर्नू
तिम्री श्रीमतीकोे गर्भको त्यो बच्चालाई
आजैदेखि ‘एडभान्स’ पनि दिएको छु ।

चन्द्रगढी, झापा