चूडामणि रेग्मीलोप्पा खाइहाले !
१. केही गर्थे हल्लखल्ल लोप्पा खाइहाले !
आफ्नो कर्म खोटो भनी मानि पनि हाले !
२. हिजो ठालु अेकातिर लाग्नेहरू थिअे
आज ठालु अर्कातिर लाग्नेहरू भअे !
३. केही दिन थररर कर्मचारी भअे !
माल तान्न केही भने अब थालि हाले !
४. प्र.म. सोझा मन्त्री बाठा ! भन्ने हल्ला गर्छन्
समयले बाठो पनि लड्छ तिन बल्ड्याङ् !
५. खुप बोल्ने यहाँ मान्छे ! निकै निकै भअे !
राम्रो सुन्ने मान्छे पो त यहाँ कम भअे !
६. जनताका आँगनमा जाने कुरा बाँकी
जनताको आँगन भो अब पुरा बाँकी !
७. झन्डा गयो ! भन्ने पिर मान्ने गइ हाले !
झन्डा पाए भइ गयो ! भन्ने चाहिं आअे !
८. अेघार र अेघारमा फुटवल हुन्छ !
राजनीति खेल सम्झ त्यस्तै विच हुन्छ !
‘युगज्ञान’ साप्ताहिक १४ अङ्क ४७, २०४० मा
व्यङ्ग्य ऋषिका नामबाट प्रकाशित गजवास्टक
