ऐले साना अप्ठारा त पार्छ होला नाकाबन्दी !!
धम्क्याउँदै अझै पर सार्छ होला नाकाबन्दी !!

स्वाभिमानी स्वाबलम्बी हुन हामी सक्यौं भने !
अन्तिममा हामीसँग हार्छ होला नाकाबन्दी !!!

हाम्रा पाखुराका मासी नलीखुट्टा दह्रा रहुन् !
उस्कै व्यापार खस्किएर झार्छ होला नाकाबन्दी !!

सूर्य चन्द्र, हाम्रो भूमी, मस्तिष्क र जाँगरमा,
नाकाबन्दी गर्न सछ ? टार्छ होला नाकाबन्दी !!

सहयोग गर्छ अन्तर्राष्ट्र अरु छिमेकी साथमा !
दह्रो भई डटीरहे मार्छ होला नाकाबन्दी !!!

नलाङ– ७, बैरेनी, धादिङ