सक्षम र सवल प्रदेश,सुनिश्चित अधिकार

पक्कै पनि नक्कली हुनुपर्छ

Nepal Telecom ad

एउटा गाउँले गरीब किसान हातमा हनुमानजीको लंगौटी जस्तो लामो कागज लिएर, अँध्यारो अनुहार लगाएर कलैयाको भरतचोकमा भौतारिँदै थियो । धेरै बेरसम्म उसले आफ्नो गाउँतिरका अनेक भद्र भलादमी र केही पढेलेखेका वा नपढेको भए पनि वैधानिक किसिमले लुट्ने अधिकार लिएर बसेका नेताजीहरूलाई भेट्दै, लंगौटी खोलेर देखाउँदै गर्यो ।

भरतचोकमा भौतारिने भलाद्मीहरूले यो कुन चैं नयाँ मोडेलको पागल आइपुगेछ भन्ठाने ।
घुम्दै घुम्दै त्यो किसान हामी उभिएको ठाउँमा आइपुग्यो । उसले हामीलाई पनि लंगौटी फुकाएर देखाउँदै भन्यो, यो तारिख पर्चा सक्कली हो कि नक्कली हो हजूर ? राम्ररी हेरेर भनिदिनुपर्यो ।

सबै मित्रले पालै पालो गरी त्यो पर्चा हेर्यौँ । पाँच सय र हजारको नोट नक्कली भएको त पत्रपत्रीकामा पढेका थियौँ । यो जाबो तारिख, पर्चा किन नक्कली हुन्थ्यो भन्ठानेर किसानलाई सम्झायौँ, यो पर्चा त सोह्रै आना सक्कली जस्तो छ । कार्यालयको नाम र छाप पनि छ । तिमीले कति कारणले यसलाई नक्कली भन्ठान्यौ ?

आँखाभरि आँसु टलपल टलपल पार्दै किसानले आफ्नो शंका व्याक्त ग¥यो, हजुर मलाई शंका त्यसै कहाँ लागेको हो र ! हेर्नुस् हजुर म पचहत्तरी वर्षको बुढो भइसकेँ । अड्डा, अदालत धाउन थालेको पचास वर्षभन्दा माथि नै भयो होला । आजसम्म कसैले मलाई यसरी ठगेको थिएन ।

उसको फतफत सुनेर एउटा मित्रलाई झर्को लागेछ र उसले सोध्यो, तिमी कसरी ठगियौ त्यो त भन ।
किसानले भन्यो, मेरो जग्गा सम्बन्धी दश वर्षे पुरानो मुद्दाको यो नयाँ तारिख पर्चा हो हजुर । मेरो यति लामो अनुभवमा आजसम्म कुनै अड्डाले पनि पैसा नलिई कुनै काम गरेन । आज यो तारिख पर्चा एक पैसा पनि नलिई अड्डाले मलाई किन दियो ? त्यसैले शंका लाग्यो ।

मैले टिप्पणी गरें, भूलचूकले कुनै इमानदार कर्मचारी परे होलान् ।
मेरो टिप्पणी किसानले कुनै टिप्पणी नगरेरै भन्यो, खै खै त्यो पर्चा पाउँ त । यो पक्कै पनि नक्कली हुनुपर्छ । यति भनेर पर्चा खोसे झैँ गरी हातबाट थुतेर किसान एकातिर लाग्यो ।

जाँदाजाँदै उसले भनेको सुनियो, पैसा नलिकन दिएको पर्चा सक्कली हुनै सक्दैन ! म ज्यान गए पत्याउन्न ! तपाईँहरूले भनेर म पत्याउँछु र !

काठमाडौं

Fitkauli Publication Books comming soon
Nepal Telecom ad
छाया हाकिम

छाया हाकिम

मुकुन्द आचार्य
घुमिफिरी रुम्जाटार

घुमिफिरी रुम्जाटार

मुकुन्द आचार्य
‘तँ अब बुढो भइस्’ पढेपछि

‘तँ अब बुढो भइस्’...

मुकुन्द आचार्य
सजिलो छैन नेता हुन

सजिलो छैन नेता हुन

मुकुन्द आचार्य