बाँकी छ
ब्यवस्था फेरियो धेरै अवस्था फेर्न बाँकी छ
अवस्था रहे यस्तै ब्यवस्था फेर्न बाँकी छ ।
घोषणा घोषणा गर्ने रहर कसकसको बाँकी छ ?
क्रान्ति माथि थपि क्रान्ति शहिद थप गन्न बाँकी छ ।
परिवर्तन ल्याए नेताले, नेतामा आउन बाँकी छ
परिवर्तन ल्याए जनताले, जनतामा आउन बाँकी छ ।
परिवर्तन गाउँलेले ल्याए, गाउँमा आउन बाँकि छ
परिवर्तन ल्याए जो जसले त्यस त्यसमा आउन बाँकी छ ।
रगत खुब बह्यो देशमा, पसिना बग्न बाँकी छ
अधिकार खोजे जो जसले, कर्तव्य खोज्न बाँकी छ ।
परिवर्तन सिंह दरबारको, घरबारमा आउन बाँकी छ
बिधि त फेरियो फेरि, प्रविधि फेर्न बाँकी छ ।
विध्यालयबाट उब्जेको सिर्जना फुल्न बाँकी छ
सपना बोकी हिँड्नेले यथार्थ भोग्न बाँकी छ ।
व्यवस्था फेरियो धेरै अवस्था फेर्न बाँकी छ
अवस्था रहे यस्तै व्यवस्था फेर्न बाँकी छ ।
काठमाडौं