मनु ब्राजाकीभन्न पनि लाज भयो
नेपालीलाई नेपाली हूँ, भन्न पनि लाज भयो
’मनु’ हिजो मधेशी थ्यो, पहाडे त आज भयो ।
यति राम्रा राम्रा चरा मिलिजुली बस्या थिए,
यिनै मध्ये कोही भने चरा खाने बाज भयो ।
साहित्यकी सीता अनि यथार्थका बुद्ध जन्मे,
उनै जन्म्या ठाउँमा नै, आतङ्कको राज भयो ।
घरबास आफ्नै थियो, दूताबास धाएपछि,
मूलधन रित्तिएछ प्यारो उस्कै ब्याज भयो ।
आपस्तको कलहले, सिङ्गो देश सकिएला,
जिल्ला भन्या जिल्ला नै हो, कस्को पो स्वराज भयो ?
