चढेको रेलमा स्टेसन छैन ओर्लिने कहाँ हो ?
छुक् छुक गरी चल्दै छ रेल, पुगिने कहाँ हो ?

पर्दाको भित्र अँध्यारो सबै, बाहिर छ अँध्यारो
समुुद्र छ कि चट्टान अघि, डुबिने कहाँ हो ?

यात्राका साथी जङ्गली किरा, जङ्गलमै हराउँछन्
धरती नै डगमग गर्दै छ मेरो, उभिने कहाँ हो ?

अँगालोबाट खसेको रात रुँदै छ हिउँमा
सपना हराई हारेको मान्छे, बिउँझिने कहाँ हो ?

चढेको रेलमा स्टेसन छैन ओर्लिने कहाँ हो ?
छुक् छुक गरी चल्दै छ रेल, पुगिने कहाँ हो ?

(वि. सं. २०५२ पुस १५)