नेपाली हास्यव्यङ्ग्य अनलाइन पत्रिका

१.
हो, सबै शुभचिन्तक इष्ट हुने भए
सम्बन्ध सबै बिच घनिष्ट हुने भए
म पनि दुनियाँमा बेकुफ हुने थिन
बिचार हरू सबै उत्कृष्ट हुने भए ।

२.
झुट बनाएर सबै दुरुस्त हँुदैन
दुनियाँ सबै यहाँ हृष्टपुष्ठ हुँदैन
हो, लिएर हेरे अनेक परीक्षा मैले
जति भए पनि मान्छे सन्तुष्ट हुँदैन ।

३.
राम्रो पनि कुनै बेला पत्रु हुँदो रैछ
नयाँ पनि त किन हो झत्रु हुँदो रैछ
जति सुकै इमानदार बनोस् न कोहि
उस्को पनि दुनियाँमा शत्रु हुँदो रैछ ।

४.
कोहि यसै मर्छन् प्रेमको नाममा
कोहि आँखा तर्छन् प्रेमको नाममा
खै मूर्ख भनौ कि सज्जन भनौ अब
कोहि भ्रममा पर्छन् प्रेमको नाममा ।

५.
दुखको कुनै सन्सार नहँुदो हो त
कतै केही हाहाकार नहुँदो हो त
लड्ने थिएन मान्छे परिश्रमी बनी
जित भै कसैको हार नहुँदो हो त ।

भोजपुर