दुर्गाप्रसाद ग्वालटारेपहराले रुन मिल्छ ?
खहरेले रेट्यो भन्दै पहराले रुन मिल्छ ?
कलिलैमा काटे भन्दै जमराले रुन मिल्छ ?
सौन्दर्यता केको लागि ? दृष्टिपान गर्न हैन ?
सबले नजर लाए भन्दै अप्सराले रुन मिल्छ ?
भाउ बढ्छ गाउँ शहरको झुम्मिएमा मान्छेहरू
पर्यटकले ढाके भन्दै पोखराले रुन मिल्छ ?
नबजेमा ठोक्रो हुन्छ, बजे मात्र बाजा न हो
दुख्नेगरी पिटे भन्दै नगराले रुन मिल्छ ?
पहाड तिर नियालेर सागरले थुक निल्ला
समुद्रको रंग हेरी छहराले रुन मिल्छ ?
२०७२ माघ १५, काठमाडौ
