प्रेम ओली ढकलपुरेमिटिङ
टोलको मिटिङ भनेपछि
कोही आउँदै नआउने
कोही आयो भने पनि
छिटो आउँदै नआउने
पाँच मिनेटको बाटोलाई दुई घण्टै लाउने
झोलको मिटिङ भनेपछि
बोलाको समय भन्दा
दुई घण्टा अघि नै आउने ।
बिना भत्ताको मिटिङ भनेपछि
कसैलाई भोज जानु पर्ने
कसैलाई अस्पताल जानु पर्ने
हरियो पत्ताको मिटिङ भनेपछि
बिरामी परे पनि एटेन्ड गर्ने ।
टोल सुधारको मिटिङ भनेपछि
कोही घण्टौँ पछि आउँछ
आउन पाको छैन
उसैले ठुलो स्वर लाउँछ
बसेको मात्र के छ
मिटिङ ढिला भयो भन्छ
बेकाम भई हिंड्नेले पनि
मिटिङमा आएपछि
अति ब्यस्त बन्छ
कुरो टुङ्गिन लाग्दा
उसैले कुरो अड्काउँछ
कुन चामल कुन कनिका
थाह छैन
त्यसै नाङ्लो फटकाउँछ
विकासका कुरा गर्यो भने
यो पनि चाहियो
त्यो पनि चाहियो भन्छ
दुइचार पैसो उठाउनु परे
मुसो जस्तो बन्छ ।
दाङ, हाल : काठमाडौं
