खुल्नहुन्न नाकाबन्दी
आउन साथी फेरि लामो नाकाबन्दी गर्यौँ
आधा–आधी भाको घ्याम्पो चुल्याएर भर्यौँ ।
फाइदा कति, काइदा कति नाकाबन्दी खेलको
आफ्नै निजी धरहरा ठड्याएर मर्यौँ ।
व्यापारीलाई नाकाबन्दी युरिया मलै भएछ
खुल्नहुन्न नाकाबन्दी सबै मिली लर्यौँ ।
सबैभन्दा शक्तिशाली लुटतन्त्र नै राम्रो
लामो नाकाबन्दी गर्न सबै मधेश झर्यौँ ।
भन्छन्– हेरेर मर्नुभन्दा छेरेर नै मर्नु जाती
जता पाइक मिल्छ आफ्नो उतै बसाईं सर्यौँ ।
स्याङ्जा