परिहासामाला– ४
वानर घरमा पस्ता, भँडार जिम्मा लगाउने गर्नू
नेताजी घर आए, सिरीखुरी नै दिएर पनि बच्नू ।।
फुसु फुसु मात्रै गर्ने, पानी नझरे पनि मीटर चल्ने
हाम्रो राम्रो धारा, सङ्ग्रहालय लगेर राख्नु पर्ने ।।
नाम भने वैरागी, तर मानिस छन् अति नै अनुरागी
पहिले कविता लेख्थे, हाल कविताबाट हिंड्छन् भागी ।।
झर्ला खाँला भन्दै, भरजीवन साँढेका पछि लागे
झर्यो त गोबर मात्रै, दिक्क भएछन् अनि घरतिर भागे ।।
काठमाडौं