प्रेम ओली ढकलपुरेनिम्तो मान्न जाँदा
कहिले
बिहेको दिन भनेको
अघिल्लो दिन गएर
अर्कैको भोज खाको छु
कहिले
भोजको पछिल्लो दिन गएर
पार्टी प्यालेस खाली खाली पाको छु ।
एक दिन
काडै लान भुलेपछि
पर्सेको छोरीको बिहे भनेको त
फर्सेको छोराको बिहेमा पो गएछु
कोही चिनेको नदेखेपछि
आफै जिल्लाराम भएछु ।
अर्को पटक
केटीको बिहेको निम्तो मान्न जाँदा
पहिले टन्न खाइयो
दुलहीलाई यसो दक्षिणा टक्राउँ भनेको त
अर्कै दुलाहको पो भोज पाइयो ।
यो निम्तो मान्न जाँदा पनि
के के भाको छ भाको छ
एक पटक त
बिहे खान गाको छोरो
सराद्ध खाएर पो आको छ ।
दाङ, हाल : काठमाडौं
