१.
हुने गरेको यहाँ सधैँ इमानको ठूलै व्यापार देखेँ
सिन्डिकेटको अगाडि कति निरीह यो सरकार देखेँ
हिजोसम्म औंलामा नचाउँथ्यो जसले यो मुलुकलाई
आज भएको ऊ आफै ल हेर कति लाचार देखेँ ।

२.
नेताले भुल्न थालेछ खाएको कसम पनि
कविले बेच्न थालेछ आफ्नै त्यो कलम पनि
देख्दा देख्दै परेको त्यो आधात देशको आस्मितामाथि
भेट्टिएन कोही लगाइदिने यो चोटमा मलम पनि ।

३.
याद आउँछ्यौ कति तिमी ? यो छातीमा लहर बनेर
किनारमा उभिएको छु म आज मानौ कुनै ध्वस्त खण्डहर बनेर
जता ह¥यो उतै देख्छु म अचेल शहरमा सुनसान छाएको
मान्छे पनि उभिएका छन् सालिक झैं पत्थर बनेर ।

४.
जाऊ, गएर पहिले तिमी समुद्र हेर
अनि गर्नु फेरि मसँग प्यासको कुरा
तथ्य बङ्ग्याउन थालिसकेपछि धेरैले यहाँ
को पत्याउँछ अव इतिहासका कुरा ?

काठमाडौं